...時光倒流到..."北京"...^^

2009-1-21 (三)

哇...終於有時間講返到北京集訓啦...

依加的我...好忙好忙...但...忙得開心.

好...講返正題..."2008北京排球集訓"...

今次真係一個好好的機會,我唸對於

球員們同埋我呢位執教澳門學界隊

經驗尚淺的教練而言...真係獲益良多...

最勁就係連資深教練梁sir都不斷勁讚

今次的北京之旅...嘻嘻...依加呢代人,

真係好鬼幸福...加油呀你地!!!

今次之行,我地澳門學界排球女子代表隊,

係一隊同二隊當中,共選了16個同學,加上

兩位教練,一行18人,組織了係2008-12-25至

2008-12-31這個聖誕節的期間,到北京進行

排球集訓,集訓地點係北京的一間名校中的

名校..."北京景山中學"...好...要轉入直路講

詳情啦...大家一切睇睇相...

一切回憶一下呢段美好的經歷先...

2008-12-25,早上9:30係澳門關口集合後,

我地的大隊,正式出發...

經過大概一小時的車程,我地到達珠海機場...

係等上機之前,一齊食個"大家樂"先...

呢份係我的...唉...對日本的味道仍未忘懷...

不過算啦...肚餓都要食野的...hehe...

食完野...我地就去準備checkin行李啦...

見到尾三那個嘛..是最精美的...hoho...

起飛lu...心情好緊張呀...

...數小時後...終於到達beijing...第一時間,

當然去取回我地的行李先啦...

到達酒店安頓好後...就同球員們去食晚飯,

由於想大家趕快食飽回酒店休息的關係,

我無帶佢地行到好遠...只隨意在附近找了

一間食店...哇...呢間野真係唔多掂...你睇

下那兩碟連條頸都扭曲左的"傳統烤鴨"

就知一二啦...不過都幾攪笑...

不過幾攪笑都不及埋單時攪笑...那兩壼茶

原來係"極品靚茶"...等班細佬仲猛咁用茶

洗碗洗碟...haha...臨走...我梗叫翻多兩次水

先啦...飲多幾杯茶先至走...感覺抵d嘛...

呢班就係當代非常幸福的排球員啦...^^

返到酒店...第一時間梗要望望我心愛的鴨仔

先啦...沖完涼就訓lu...要準備聽日早起嘛...

第一日,就係咁渡過啦... 

(2008-12-26)

第二日一早,我地就去到集訓的地方...

名校...果真係名校...你睇下幾多獎...勁野...

呢個就係我地訓練的場地啦...五福娃仍在...

正式開始前,大家接受梁sir的訓勉...

好啦...正式開始...熱身跑步...好認真...

跟住下面的photo,就係今早的訓練縮影...

一齊好好回味下啦依加...

請注意...呢位白衫的教練...來頭真不少呀...

佢就係中國女排名將"馮坤"...進國家隊前

的教練...你地班小朋友今次有幸跟佢學野...

真係有福......依加個個做晒"馮坤"

的師妹啦...haha...

睇睇呢樣先...仲正...我真係第一次見...

飲完...都好似特別精神d的真係...wakkaka...

大約12點...早上訓練完畢...好的開始...

大家要繼續努力呀...

午飯後,因為下午學校場地要俾學校校隊用...

因此我們趁機去左"鳥巢"度參觀一下...

好凍好大風...好耐無用過頸巾啦我...hoho...

好靚...好靚....好靚的日落呀...

我們離開時,就在這個巴士站...超無奈地

被一位伯伯騙了...唉...搭錯車...真激氣...

最後輾輾轉轉先去到食晚飯的地方...

晚餐的地方,是一間專食"狗不理"的食店,

裝修幾特別...好有中國味道...

食物就是下面呢d啦,咁遠來到梗要試試啦

又來一張"大合照",開開心心攝於北京街頭...

晚上返到房立即沖好晒涼...

我同鴨仔一齊上左陣網...跟住就訓lu...

好期待明早的訓練呀...

好...今日講住咁多先...下回再續...  

2008日本全國大學生排球比賽

2008-12-23 (二)

可能你地會問...點解無端端我會

講呢個賽事的呢?原因係5月份去

蒙古做第六屆東亞排球賽的裁判時,

識左班日本仔,跟住佢地知道澳門

大賽比較少...所以,就邀請我地澳門

的裁判過去為這個賽事執法...

交流一下咁樣囉...哇...超正呀真係...

令我大開眼界...全個賽事當中,無一個

球員係會唔追波的...

究竟追的定義係咩呢?解說如下:

追住去開一d好靚的發球...

追住去傳一d唔靚的一傳...

追住去扣一d好快的扣球...

追住去守一d好難守的球...

哇...睇到我真係...幾鬼想除低裁判服...

換返套球衣落去同佢地一齊打返場呀...

氣氛真係一流...我絕無半點誇大ga...

以下同大家分享下一d好開心的相先...

haha...終於到左日本啦...

一個我好喜歡的地方...

估唔到第一次去,就係去做排球裁判...

對我呢個排球人來講...意義甚大呀...

第一晚食的拉麵...超正...hoho...

酒店的房間...很細...但樣樣都齊...

我和我隻lucky duck玩自拍...呢隻鴨仔

跟過我去好多地方ga...hehe... 

第二日晨早到達比賽場館...

比賽日期:2008-12/1-12/7

 你地睇下...有隊旗ga...幾有氣勢...

 係同一個球場平面上...同時開四個場比賽...

 男子兩個場,女子兩個場...

但從來d波係唔會打到入其他場度,

每個場的比賽都進行得相當順利...

因為負責拾球的工作人員非常認真,

佢地做每個動作,都係跑步去ga...

 球員打波投入...表現相當興奮...

我和我做主裁那場時的副裁

以及部份工作人員的合照.

 球場的"便當"...都幾好味ga...hehe...

由早到晚...不斷咁進行比賽...午間無休...

所以需要裁判和工作人員的量非常大...

而且..並不只是在這個場館進行,同一時間,

在全日本六個大場館進行...每日每個館會

賽幾十場波...haha...你地話勁唔勁先???

係球場由早到晚...累到死...但...幾累都好...

總要抽時間衝去買手信俾球員及朋友嘛...

haha...今舖真係"一份糧幾十人洗啦..."

不過洗得開心...唔怕洗啦...之後慳d囉...

哇...真係趕到死...d舖頭又早收囉...

 哇...哇...好好味咁呀...不過無食到...

因為好多人排隊囉...我又好趕時間,

唯有拍照留念...下次去再食過...

 日本真係咩都有ga...行行下係街見到呢部

"紅白機"的始祖...仲要插住我最愛玩的

遊戲盒裝帶...haha...梗要拍照留念下啦...

呢張係同另一場比賽的工作人員合照...

佢地yeah...我又yeah埋一份...haha...

 好耐無提起我隻鴨仔...等佢又亮亮相先...

 呢張係在場館外拍的photo...

 呢個就係個場館的名字...

 每次入到場館...感覺都好興奮...真ga...

當我不用做裁判的時候...

我就會坐定定去睇波...

因為我覺得由佢地熱身開始...

就已經好好睇...好有氣勢ga...

雖然只係大學生的比賽,

但你地睇下d打氣用的標語...

真係好似拍緊戲一樣咁...haha...

對面場那隊,就係我最喜歡的"嘉悅"...

首先吸引我的,當然係佢地的球衣...

認識我的朋友,就一定知點解...hehe...

但講真球衣只是其次,最重要係佢地那隊人

的打波意志及良好的球技...

 好有氣勢的打氣隊型...

 比賽進行中...

 呢班係佢地學校球隊的支持者...

另...呢隊波...仲有一樣吸引我的...就係佢地

隊的教練,係前日本隊著名的二傳手...

白衫最高那一位...

 haha...背景與我有些相似嘛...hoho...

同一時間係同一個位置度...只要轉下個頭,

就可以睇到幾場波...感覺真難形容...

 我隻鴨仔剛上完網...

 依加佢訓啦...晚安...

 酒店的早餐...

 有兩種選擇... 

唔經唔覺賽事就到了尾聲...下午才有野做...

這個早上有些時間,所以去了食壽司...

 哇...好正呀...

 簡直好像件藝術品...

 好鮮味的海膽呀...

 好好味呀真係...

 呢樣係咩呢大家知唔知...???

原來係新鮮的北寄貝...

佢重識郁ga...新鮮程度可想而知...

救命呀...好鬼好味呀...

 好好味呀...

  好好味呀...

  好好味呀...

 海鰻...第一次食到...簡直難忘...

 呢隻生蠔...超脆超有海水味...勁正...

 咁大隻蝦...第一次食到...鮮到不得了...

 你睇個舖頭門口...排隊排到呢...

 地度日本仔...捉佢影張相先...hehe...

 日本的天空...

 到決賽時...全國現場直播...勁...

 好好睇的比賽...

 真係好好睇...

好睇到不得可了...

 大學生...竟可有如此高的水平...

 看到比分嘛...???

 你一分...我又一分咁樣...

 打25分制...打到37:37....

兩隊人都係度力爭每一分...

 終於完了...結果39:37...真誇張...

臨走前一晚...日本裁判請我地食晚飯...

佢地個個都好玩得ga...好開心呀...

 我有一個扭蛋...一模一樣的一間警察局...

這日要返澳啦...但早上都衝左去球場

睇左陣波先...你地睇下d人打波打到

幾咁誇張...睇左呢場波約一局...

就要趕返酒店取行李走lu..

 等緊列車到站...又影下相先...hehe...

今次的旅程,學到好多野呀真係...好希望...

明年今日可以帶埋鴨仔一齊再來...<<完>>  

2008-12-23 (二)

天氣:一個字...凍...

上回講到學界女A攞季軍...跟住今日要

接返講下聯賽啦...由於學界賽的關係,

聯賽停左一排...

今日等我講下我隊甲組先...

甲組的隊名叫"熊貓"...

可能好多人見到個隊名都會笑...

但...在我來講,呢個名好有意義...

因為係我小時候第一次參加公開比賽

用的隊名,好耐lu...還記得那時連紅藍

體育會都未成立...講返2008的熊貓...

隊員全是我的球員...現佢地實力有返咁

上下啦,就俾佢地同我做下隊友啦...

haha...其實真係好開心可以keep到一班

甲組...打得我隊甲組的,全部都係有情有義

的人....呢隊波,除keep住比賽,最重要,

係keep到我地呢班人的友誼.

近幾場波好開心因為好齊人...

所以我好得閒可以影下相咁囉...hoho...

"復出"的朱古力...黑到好似外援球員一樣...

你睇佢地打得幾開心...咁至係呀嘛...

meko網上進攻...

再來一球...睇下亞燕follow動作幾鬼認真..

setter仔呢個準備走位的動作就夠晒足份啦...

朱古力...重鎚又再出撃...

呢一組"雙人攔網"的起動就夠晒到位啦...

一個人都照攔到...小婷好野...

ling的發球不嬲都強...取了不少分呀...

呢位上網扣球的人係邊個呢...?

又係朱古力囉...

豬皮的網上進攻...哈哈...好想問下佢...

條腰拗到咁的樣...到底痛唔痛的呢...???

一個賽事完結...影返張集體相先...

不過要key返loklok個頭像至得...

因為佢跟左澳門隊過香港比賽呀...

下個銀牌再努力...爭取出線為目標...

希望可以每場波都齊人就好lu...

影完正經的...梗要整多張攪笑的至得...

我呢班乙組係最大那隊...

佢地最後取得第四名,haha...

我地又多一隻獎杯仔了...hehe...

好啦...終於趕返晒寫d賽事...

抖一抖先再寫埋我的"日本之旅"...

哇...要快d追返d日記至得啦...

2008-12-21 (日)

天氣:冬天到了...開始涼了...

好耐無打日記啦...因,實在係太忙了...

唔識我的可能會唸緊我究竟係咪係度

扮多野做...成日都話好忙好忙...

但識我的就唔使講野個隻,明晒我的

工作範疇...有時聽到佢地同我講一句:

"俾心機...頂住呀..."...即刻醒返晒...

多謝我身邊所有錫我的朋友.

講返轉頭前,學界賽打班尾聲的時候,

我就過左去日本做排球裁判,

哇...真係大開眼界,好正好正...

學左好多野呀真係...所以,日本個part

要遲少少開返個專題慢慢講.

講返學界賽先,今年浸信女A

取得季軍呀...恭喜你地.

付出左努力終於得到了成果...

再接再厲,記住每一個賽都要全力以赴呀!

好...要準備出街了...下回再講...

逆水一戰...險...差點沉船...

今日...係班A組段考後第一場比賽

2008-11-23 (日)

天氣:有點熱...冬天...真的到了嗎?

今日班大又有比賽,對葡文.

如能於此場比賽中獲勝,

便能順利進入最後四強.

今日發揮...??哈哈...

相信睇完個標題就估到一二,是嘛?

好...又到了賽事分析的時間...

一開局...其實就有問題出現...

呢一球,扣球手上的時間太快,

而且...無人去做好補位的準備...

呢一球...以呢一個起動接球動作,

根本就無法接好一傳...

呢一球,接一傳者動作不錯...但...請睇睇,

我地個二傳呢?原地踏步進行中...是嘛?

今日我隊的17號,

係扣球呢個環節,狀態回升了不少...加油!

呢一球,扣球手要注意,你最大的問題,係同球

的距離太近,你拉臂之後,處於球的下方,

可以打到的,只係波的底部...

所以,以你呢個動作去扣,

根本無機會將球向下扣到.

儘管你落盡腕,仍會將球打去底線以後.

攔網者起跳太近網...無法做好攔網動作...

扣球手同一錯處,又再出現...

發球手,揮臂擊球的前期動作,太生硬...

加油做好d啦...比緊賽ga...

扣球手同一錯處,又再出現...

而且,手踭,應再往後多拉一點呀...

會比較容易發力...

接球者,起動太慢了...

攔網者...回位太慢了...

呢一球,接球者動作不錯,但...

攔網者,仍無意識盡快回位準備進攻...

留心d呀,要盡量做到最好呀...

呢一球,無人替扣球手做補位...只在睇波...

呢一球同上一樣,無人做好補位...

記住做補位時,不能站姿太高...

因會令,接球反應變慢...

加油呀你地...

今日隊波,有一起共同打氣的時間,

甚少...甚少...

呢一球,唉...一傳都準備好送球上網前了...

但...攔網手又不盡快回落準備進攻...

二傳又毫無意識插上網前做好傳球準備...

呢一球,接球者,取位太高了...要改善呀...

walkman同司線員,都無眼睇...haha...

呢一球...又係無人做補位的...???

扣球手...要注意不要再上咁快啦...

否則,你條腰....唉...

又係企哂係度睇波...

無人認認真真做好補位的...

發球手...錯腳了...快改...

二傳呢??真奇怪...點解網前無二傳的??????

接球者...移步太慢了...

暫停...作檢討後...要真係做返好d啦...

呢球波,扣球手的時間掌握比較準確了...

但...呢一球...真係抵鬧啦...太離譜...

呢一球又係...你地自己數下...

係場入面,有幾多人,企係度睇波?

呢一球就好返少少啦...攔網時間捉得唔錯...

呢一球...haha...個波in或out,我地都輸,

你地睇下...我地的二傳,係度做緊咩???

呢一球...我地二傳手站二號位...

所以,係網前,就見到有二傳手啦...

呢一球,扣球手終於明白,

如何係高點去做虛攻的道理...

能發穩定的好球...係爭勝中重要的環節...

大家都要緊記呀.

呢一球,攔網手起跳重心不穩...

根本無機會攔到波...

不過,做補位的,就不錯啦,有返準備動作...

呢個接球動作不錯...

呢一球...終於有返較高點的進攻...

呢一球,又係一個好的接球動作...

恭喜你地,終於成功出線.

但...同你地講...之後兩仗,都是硬杖...

希望,大家可以齊心合力,做到最好...

等著你地...打兩場好波俾我睇.